Seemaa Mein Sambhaavnaayein

aadeshon kaa daas naheen hai shaakhaa kaa aakaar kabhee,
gamale tak seemit mat karanaa paudhe kaa sansaar kabhee.

jaD़ ke paa(n)v naheen pasare to chhaa(n)v kahaa(n) se paaoge?
jis par panchhee ghar kar len vo Thaa(n)v kahaa(n) se laaoge?
baalakanee men bandh paayaa kyaa, baragad kaa vistaar kabhee?
gamale tak seemit mat karanaa paudhe kaa sansaar kabhee.

konpal, booTe, kaliyaa(n), Daalee; ye sab kuchh aabaad rahe
tab hee aatee hai kh़ushahaalee jab mausam aaj़aad rahe.
nabh men chahak naheen bhar sakataa, pinjare kaa parivaar kabhee
gamale tak seemit mat karanaa paudhe kaa sansaar kabhee.

seemaa men jakaD़e birave kee sahaj sugandh nadaarad hai.
jo titalee kee baa(n)h pakaD़ le, vo makarand nadaarad hai.
nakalee peD़on par barasaa hai, kyaa baadal kaa pyaar kabhee?
gamale tak seemit mat karanaa paudhe kaa sansaar kabhee.

naj़ron ko dauD़aanaa seekho, vistaaron ko mat chhaa(n)To
ghar men chahak bharee rakhane ko, chiD़iyaa ke par mat kaaTo.
palakon men bhar paataa hai kyaa, sooraj kaa ujiyaar kabhee?
gamale tak seemit mat karanaa paudhe kaa sansaar kabhee.

Topic: