Dhoop - Vinod Nigam. काव्यालय| Kaavyaalaya: House of Hindi Poetry

ghaaTiyon men Rtu sukhaane lagee hai
megh dhoye vastr anagin rang ke
aa gae din, dhoop ke satsang ke.

parvaton par chhand phir bikharaa diye hain
lauTakar jaatee ghaTaaon ne.
peḌ, phir paḌhane lagee hain, dhoop ke akhabaar
furasat se dishaaon men.
nikal, phoolon ke nasheelee baar se
laḌakhaḌaatee hai havaa
paa(n)v do, paḌate naheen hain Dhang ke.

ba(n)dh n paaee, nirjharon kee baa(n)h, uphanaaee nadee
taTon se mu(n)h joḌ batiyaane lagee hai.
nikal jangal kee bhujaaon se, ek aadim gandh
aangan kee taraph aane lagee hai.

aa(n)kh men aakaash kee chubhane lage hain
dRshy sheetal, neh-deh prasang ke.
aa gae din, dhoop ke satsang ke.

- Vinod Nigam

Poet's Address: Sanichara, Hoshangabad, M.P
Ref: Naye Purane, April,1998

Donate
A peaceful house of the beauty and solace of Hindi poetry, free from the noise of advertisements... to keep Kaavyaalaya like this, please donate.

₹ 500

₹ 250

Another Amount

This Month :
'Hamaaree Sahyatra'
Jyotsana Mishra

kabhee-kabhee jeevan koee ghoShaNaa naheen karataa—
vah bas bahataa hai,
jaise koee puraanaa raag,
dheere-dheere aatmaa men utarataa huaa,
binaa shor, binaa aagrah.

hamaare saath ke tees varSh poorN hue hain.
kabhee lagataa hai hamane samay ko jiyaa,
kabhee lagataa hai samay ne hamen taraashaa.
yah saath keval varSh naheen the—
yah do aatmaaon kaa maun sanvaad thaa,
jo shabdon se pare,
par bhaavon se bharapoor rahaa.

jab hamane saath chalanaa shuroo kiyaa,
tum the svapnadraShTaa—
shabdon ke jaadoogar,
bhaviShy ke rangeen rekhaachitron men Doobe hue.
aur main…
main thee vah zameen
..

Read and listen here...

This Month :
'Tum To Pahle Aise Naa The'
Satya Mishra

tum to pahale aise n the
raat biraat aaoge
der saver aaoge...
ham neend men rahen
aa(n)kh naa khule
to rooTh jaaoge...

svapn men aaoge
divaasvapn dikhaaoge
ham kalam uThaae(n)ge
to chhip jaaoge...

bechainiyon kaa kabhee
..

Read more here...

This Month :
'Kuchh Prem Kavitaayein'
Pradeep Shukla

1.
prem kavitaa, kahaaniyaa(n) aur ph़ilmen
jahaa(n) tak le jaa sakatee hain
main gayaa hoo(n) usake paar
kaee baar.
ik ajeeb-see bechainee hotee hai vahaa(n)
jee karataa hai thaam loo(n) koee cheej
koee haath, koee sahaaraa.
main Tik naheen paataa vahaa(n) der tak.

suno,
abase
..

Read and listen here...