maine dekhaa chintaa aur pyaar,
jhurriyon kee tah ke peechhe,
DabaDabaatee huee aa(n)khon men ajeeb see chamak,
aur chehare pe ek khokhalee see ha(n)see,
maile phaTe haathon kee lakeeron ko dekhatee huee aa(n)khen,
jaise ab bhee kuchh hone kaa intajaar hai,
phir dekhatee huee palloo men paD़ee ek gaanTh ko,
jaise jeevan bhar kee dastaan usamen ho,
kuchh yaadon kee panaah men,
jaise ek jindagee chal rahee hai,
vartamaan ke khaanche men,
ateet kee khiD़kee khul rahee hai,
kuchh sochate hue aa(n)khe bhar aaee usakee,
jaise silaapaT pe bikharee os kee kuchh boonde ho,
DabaDabaayee aa(n)khon men ab dard hai,
aur chehare pe ek jaanee pahachaanee see muskaan ...
-
Tarun Pant
