Athaah
duःkh men, dukhon ke garbh men,
sukh ke anachhue sandarbh men,
aayu hai kyaa, kyaa aankalan,
n samay, n samay kaa hee smaraN |
thaah paa loon, yadi is athaah kee,
to is chanchal chiraayu chaah kee,
gati ko apanee gati mile,
chaahe bhaav mile yaa kShati mile |
is komal kalpanaa ko tolakar,
bhaav shabdon men bolakar,
chiranidraa mRtyu ki paa loon main
dukhon ko chhand de, gaa loon main,
yahee aas hai, yahee kaamanaa,
sheeghr ho athaah se saamanaa |
- Chetna Pant
Chetna Pant
Email: [email protected]
Chetna Pant
Email: [email protected]

***
Chetna Pant
's other poems on Kaavyaalaya

 Athaah
 Smriti
This Month
'Geet Koyee Kasamasaataa'
Anita Nihalani


neel nabh ke paar koee
mand svar men gunagunaataa,
rooh kee gaharaaiyon men
geet koee kasamasaataa!

nirjharon saa kab bahegaa
sang Khushaboo ke uḌegaa,
jangalon kaa maun neerav
baarishon kee dhun bharegaa!

..

Read and listen here...
This Month
'Suprabhaat'
Prabhakar Shukla


nayan kaa nayan se, naman ho rahaa hai
lo uShaa kaa aagaman ho rahaa hai
parat par parat, chaandanee kaT rahee hai
tabhee to nishaa kaa, gaman ho rahaa hai
kShitij par abhee bhee hain, alasaaye sapane
palak khol kar bhee, shayan ho rahaa hai
jharokhon se praachee kee pahalee kiraN kaa
lahar se pratham aachaman ho rahaa hai
hain nahalaa raheen, har kalee ko tuShaaren
lagan poorv kitanaa jatan ho rahaa hai
vahee shaakh par pakShiyon kaa hai kalarav
prabhaateesaa lekin, sahan ho rahaa hai
baḌhee jaa rahee jis tarah se aruNimaa
hai lagataa kaheen par havan ho rahaa hai
madhur mukt aabhaa, sugandhit pavan hai
naye din kaa kaisaa sRjan ho rahaa hai.
..

Read and listen here...
Next post on
Friday 26 July

To receive an email notification
Subscribe
random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
submission | contact us | about us

a  MANASKRITI  website