Ateet - Mahavir Sharma. काव्यालय| Kaavyaalaya: House of Hindi Poetry

            yaad kisee kee geet ban gaee !

kitanaa alabelaa saa lagataa thaa, mujhe tum‍haaraa har sapanaa
saakaar banaane se pahale , kyon pheraa prayesee mukh apanaa
tum thee kitanee door aur main, nagaree ke us paar khङaa thaa
aruN kapolon par kaalee see, do alakon kaa jaal pङaa thaa
ab tum hee anachaahe man se antar kaa sangeet ban gaee .

            yaad kisee kee geet ban gaee !

us din hansataa chaand aur tum , jhaank rahee chhat se madamaatee
aankh michaunee see karatee theen, laT sanbhaalatee nayan ghumaatee
kase hue angon men jheene, paT kaa bandhan bhaar ho uThaa
aur tum‍haaree paayal se, mukharit meraa sansaar ho uThaa
sachamuch vah chitavan to mere, antartam kaa meet ban gaee .

            yaad kisee kee geet ban gaee !

tum ne jo kuchh diyaa aaj vah meraa panth pravaah banaa hai
aaj thake nayanon men pighalaa, aansoo man kee daah banaa hai
ab n shalabh kee pulak prateekShaa, aur n jalane kee abhilaaShaa
saanson ke bojhil bandhan men, bandhee adhooree see paribhaaShaa
lekin yah taaron kee tङpan, dhङkan kee chir preet ban gaee .

            yaad kisee kee geet ban gaee !

- Mahavir Sharma

Donate
A peaceful house of the beauty and solace of Hindi poetry, free from the noise of advertisements... to keep Kaavyaalaya like this, please donate.

₹ 500

₹ 250

Another Amount

This Month :
'Shrishti Kaa Saar'
Anshu Johri

rangon kee mRgatRShNaa kaheen
Daratee hai kainavas kee us saadagee se
jise aakRti ke maadhyam kee aavashyakataa naheen
jo kuchh rache jaane ke liye
naShT hone ko hai taiyaar.

sveekaary hai use meree,
kaa(n)patee ungaliyon kee asthirataa
..

Read and listen here...

This Month :
'Lekhak'
Aashish Qureshi 'Mahid'

kh़aalee pannaa kisee khet saa
paD़aa rahataa hai ujaaD़.
k़lam kee nok hee banatee hai
kudaal, ha(n)siyaa aur hal.

hal, jo yaadon ko kuredate hue
ateet ko kharonchate hue
..

Read and listen here...

This Month :
'Gunaah Kaa Geet'
Dharmveer Bharati

agar mainne kisee ke ho(n)Th ke paaTal kabhee choome
agar mainne kisee ke nain ke baadal kabhee choome
      mahaj isase kisee kaa pyaar mujhako paap kaise ho?
      mahaj isase kisee kaa svarg mujh par shaap kaise ho?

   tumhaaraa man agar seenchoo(n)
   gulaabee tan agar seechoo(n) taral malayaj jhakoron se!
   tumhaaraa chitr kheenchoo(n) pyaas ke rangeen Doron se
kalee-saa tan, kiran-saa ..

Read and listen here...