Receive exquisite poems.
Aaj Ke Bichude Na Jaane Kab Milenge
aaj ke bichhuḌe n jaane kab milenge?
aaj se do prem yogee, ab viyogee hee rahenge!
aaj ke bichhuḌe n jaane kab milenge?

saty ho yadi, kalp kee bhee kalpanaa kar, dheer baandhoo(n),
kintu kaise vyarth kee aashaa liye, yah yog saadhoo(n)!
jaanataa hoo(n), ab n ham tum mil sakenge!
aaj ke bichhuḌe n jaane kab milenge?

aayegaa madhumaas phir bhee, aayegee shyaamal ghaTaa ghir,
aa(n)kh bhar kar dekh lo ab, main n aaoo(n)gaa kabhee phir!
praaN tan se bichhuḌ kar kaise rahenge!
aaj ke bichhuḌe n jaane kab milenge?

ab n ronaa, vyarth hogaa, har ghaḌee aa(n)soo bahaanaa,
aaj se apane viyogee, hRday ko ha(n)sanaa sikhaanaa,
ab n ha(n)sane ke liye, ham tum milenge!
aaj ke bichhuḌe n jaane kab milenge?

aaj se ham tum ginenge ek hee nabh ke sitaare
door honge par sadaa ko, jyon nadee ke do kinaare
sindhutaT par bhee n do jo mil sakenge!
aaj ke bichhuḌe n jaane kab milenge?

taT nadee ke, bhagn ur ke, do vibhaagon ke sadRsh hain,
cheer jinako, vishv kee gati bah rahee hai, ve vivash hai!
aaj athaiti par n path men, mil sakenge!
aaj ke bichhuḌe n jaane kab milenge?

yadi mujhe us paar kaa bhee milan kaa vishvaas hotaa,
sach kahoo(n)gaa, n main asahaay yaa nirupaay hotaa,
kintu kyaa ab svapn men bhee mil sakenge?
aaj ke bichhuḌe n jaane kab milenge?

aaj tak huaa sach svapn, jisane svapn dekhaa?
kalpanaa ke mRdul kar se miTee kisakee bhaagyarekhaa?
ab kahaa(n) sambhav ki ham phir mil sakenge!
aaj ke bichhuḌe n jaane kab milenge?

aah! antim raat vah, baiThee raheen tum paas mere,
sheesh kaandhe par dhare, ghan kuntalon se gaat ghere,
kSheeN svar men kahaa thaa, "ab kab milenge?"
aaj ke bichhuḌe n jaane kab milenge?

"kab milenge", poochhtaa main, vishv se jab virah kaatar,
"kab milenge", goo(n)jate pratidhvanininaadit vyom saagar,
"kab milenge", prashn uttar "kab milenge"!
aaj ke bichhuḌe n jaane kab milenge?
- Narendra Sharma
Topic:
Love (60)

***
Donate
A peaceful house of the beauty and solace of Hindi poetry, free from the noise of advertisements... to keep Kaavyaalaya like this, please donate.

₹ 500
₹ 250
Another Amount
This Month :
'Ek Aashirvaad'
Dushyant Kumar


jaa tere svapn baḌe hon.
bhaavanaa kee god se utar kar
jald pRthvee par chalanaa seekhen.
chaa(n)d taaron see apraapy oo(n)chaaiyon ke liye
rooThanaa machalanaa seekhen.
ha(n)sen
muskuraaein
..

Read and listen here...
This Month :
'Tond'
Pradeep Shukla


kahate hain sab log tond ek rog baḌaa hai
tond ghaTaae(n) sabhee chalan yah khoob chalaa hai.
par maano yadi baat tond kyon karanee kam hai
sukh shaanti sammaan daayinee tond men dam hai.

auron kee kyaa kahoon, main apanee baat bataataa
bachapan se hee rahaa tond se sukhamay naataa.
jisase bhee kee baat, adab aa(n)khon men paayaa
naam n len guru, yaar, main panDit 'jee' kahalaayaa.

aaj bhee ऑphis tak men tond se maan hai milataa
kitanaa bhee ho bOs sheerSh, shuklaa 'jee' kahataa.
maan kaa yah
..

Read and listen here...

छंद में लिखना - आसान तरकीब
भाग 5 गीतों की ओर

वाणी मुरारका
This Month :
'Seemaa Mein Sambhaavnaayein'
Chirag Jain


aadeshon kaa daas naheen hai shaakhaa kaa aakaar kabhee,
gamale tak seemit mat karanaa paudhe kaa sansaar kabhee.

jaD़ ke paa(n)v naheen pasare to chhaa(n)v kahaa(n) se paaoge?
jis par panchhee ghar kar len vo Thaa(n)v kahaa(n) se laaoge?
baalakanee men bandh paayaa kyaa, baragad kaa ..

Read and listen here...
random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
contact us | about us
Donate

a  MANASKRITI  website