Achanak - Vinod Shrivastav. काव्यालय| Kaavyaalaya: House of Hindi Poetry

phir nadee achaanak sihar uThee
yah kaun chhoo gayaa saa(n)jh Dhale

           sanyam se bahate hee rahanaa
           jisake svabhaav men shaamil thaa
           din-raat kaTaavon ke ghar men
           Dhahanaa bhee jisakaa laajim thaa

vah nadee achaanak lahar uThee
yah kaun chhoo gayaa saanjh Dhale

           chhoo liyaa kisee sudhi ke kShaN ne
           yaa chhandabharee puravaaee ne
           yaa phir gaharaate saavan ne
           yaa gandhamaee amaraaee ne

alasaayee dhaaraa sa(n)var uTheen
yah kaun chhoo gayaa saa(n)jh Dhale

           kaisaa phooTaa isake jal men -
           saragam, kisane sangeet rachaa
           milanaa mushkil jisakaa jag men
           kaise isamen vah geet bachaa

sote paanee men bha(n)var uThee
yah kaun chhoo gayaa saa(n)jh Dhale

- Vinod Shrivastav

Poet's Address: 75-C, Anandnagar Chakeri Road, Kanpur-1
Ref: Naye Purane, April,1998

Donate
A peaceful house of the beauty and solace of Hindi poetry, free from the noise of advertisements... to keep Kaavyaalaya like this, please donate.

₹ 500

₹ 250

Another Amount

This Month :
'Nav Oorjaa Raag'
Bhawna Saxena

naa ab talavaaren, naa Dhaal kee baat hai,
yuddh smaarT hai, takaneek kee saugaat hai.
Dron gagan men, signal j़meen par,
saaibar kamaanD hai ab sabase oopar.

suno javaanon! ye DijiTal raN hai,
mastiShk aur masheen kaa yah sangam hai.
koD hathiyaar hai aur DeTaa ... ..

Read and listen here...

This Month :
'Darwaaze Mein Bachaa Man'
Gajendra Singh

bheegaa baarish men daravaajaa chaukhaT se kuchh jhool gayaa hai.
kabhee peḌ thaa, ye daravaajaa saty ye shaayad bhool gayaa hai.

naye-naye pad chinh naapataa khaḌaa huaa hai sahamaa-sahamaa.
kabhee banaa thaa peḌ suhaanaa dhoop-chhaa(n)v paa lamahaa-lamahaa.
chaukhaT men ab jaḌaa huaa hai ek jagah par khaḌaa huaa hai,
kabhee Thikaanaa thaa vihagon kaa aaj ...

..

Read and listen here...