Receive exquisite poems.
Aawaazein
ek puraanee kitaab ke pannon pe aaj ungalee chalaaee
jaane kahaa(n) se kuchh dheemee aavaazen aaee

aavaaz ek jaanee pahachaanee see
aavaazen kuchh barason puraanee see

ek ha(n)see thee door se aatee huee
goonjatee thee dil ko bharamaatee huee

kitanee hee baaten thee us aavaaz men
jaane kyaa kah gaee apane hee andaaz men

ek sangeet khaamoshee kee neend toḌataa huaa
puraanee ग़zalon kaa dushaalaa oḌhataa huaa

kuchh savaal uThe uchak kar aise
neend se koee bachchaa jaagataa ho jaise

booḌhee pankhuḌiyon se bujhee raakh TaTol rahaa thaa
us kitaab men dabaa ek gulaab bol rahaa thaa

meraa haath pakaḌ kar vo muskuraane lagaa
kinhee bichhḌe raaston par le jaane lagaa

kuchh soch kar mainne usakaa haath jhaTak diyaa
kitaab band kar usakaa munh bhee band kar diyaa
- Vikas Kumar 'Sapan'
Vikas Kumar 'Sapan'
Email: hi_vikasagrawalyahoo.co.in
Vikas Kumar 'Sapan'
Email: hi_vikasagrawalyahoo.co.in
Topic:
Past (17)

***
Donate
A peaceful house of the beauty and solace of Hindi poetry, free from the noise of advertisements... to keep Kaavyaalaya like this, please donate.

₹ 500
₹ 250
Another Amount
This Month :
'Hamaaree Sahyatra'
Jyotsana Mishra


kabhee-kabhee jeevan koee ghoShaNaa naheen karataa—
vah bas bahataa hai,
jaise koee puraanaa raag,
dheere-dheere aatmaa men utarataa huaa,
binaa shor, binaa aagrah.

hamaare saath ke tees varSh poorN hue hain.
kabhee lagataa hai hamane samay ko jiyaa,
kabhee lagataa hai samay ne hamen taraashaa.
yah saath keval varSh naheen the—
yah do aatmaaon kaa maun sanvaad thaa,
jo shabdon se pare,
par bhaavon se bharapoor rahaa.

jab hamane saath chalanaa shuroo kiyaa,
tum the svapnadraShTaa—
shabdon ke jaadoogar,
bhaviShy ke rangeen rekhaachitron men Doobe hue.
aur main…
main thee vah zameen
..

Read and listen here...
This Month :
'Tum To Pahle Aise Naa The'
Satya Mishra


tum to pahale aise n the
raat biraat aaoge
der saver aaoge...
ham neend men rahen
aa(n)kh naa khule
to rooTh jaaoge...

svapn men aaoge
divaasvapn dikhaaoge
ham kalam uThaae(n)ge
to chhip jaaoge...

bechainiyon kaa kabhee
..

Read more here...
This Month :
'Kuchh Prem Kavitaayein'
Pradeep Shukla


1.
prem kavitaa, kahaaniyaa(n) aur ph़ilmen
jahaa(n) tak le jaa sakatee hain
main gayaa hoo(n) usake paar
kaee baar.
ik ajeeb-see bechainee hotee hai vahaa(n)
jee karataa hai thaam loo(n) koee cheej
koee haath, koee sahaaraa.
main Tik naheen paataa vahaa(n) der tak.

suno,
abase
..

Read and listen here...
random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
contact us | about us
Donate

a  MANASKRITI  website