Aashaa Kam Vishwaas Bahut Hai

jaane kyon tumase milane kee aashaa kam, vishvaas bahut hai.

sahasaa bhoolee yaad tumhaaree ur men aag lagaa jaatee hai
virah-taap bhee madhur milan ke soye megh jagaa jaatee hai,
mujhako aag aur paanee men rahane kaa abhyaas bahut hai
jaane kyon tumase milane kee aashaa kam, vishvaas bahut hai.

dhany-dhany meree laghutaa ko, jisane tumhen mahaan banaayaa,
dhany tumhaaree sneh-kRpaNataa, jisane mujhe udaar banaayaa,
meree andhabhakti ko keval itanaa mand prakaash bahut hai
jaane kyon tumase milane kee aashaa kam, vishvaas bahut hai.

agaNit shalabhon ke dal ke dal ek jyoti par jal-jal marate
ek boo(n)d kee abhilaaShaa men koTi-koTi chaatak tap karate,
shashi ke paas sudhaa thoD़ee hai par chakor kee pyaas bahut hai
jaane kyon tumase milane kee aashaa kam, vishvaas bahut hai.

mainne aa(n)khen khol dekh lee hai naadaanee unmaadon kee
mainne sunee aur samajhee hai kaThin kahaanee avasaadon kee,
phir bhee jeevan ke pRShThon men paDh़ne ko itihaas bahut hai
jaane kyon tumase milane kee aashaa kam, vishvaas bahut hai.

o ! jeevan ke thake pakheroo, baDh़e chalo himmat mat haaro,
pankhon men bhaviShy bandee hai mat ateet kee or nihaaro,
kyaa chintaa dharatee yadi chhooTee uD़ne ko aakaash bahut hai
jaane kyon tumase milane kee aashaa kam, vishvaas bahut hai.

साभार: कविता कोश