Aanand

kyon n is kShaN ko amar kar loo(n)?
yah nistabdh nishaa
yah ekaant -
is samay mujhe koee chintaa naheen
aaj kee sab zarooraten pooree ho chukee hain
apanee bhee aur doosaron kee bhee
kal kee chintaa karane kee
abhee aavashyakataa naheen
ghar ke sab log nidraamagn hain
aur ekaant kakSh men
deepak jalaae
main akelee baiThee hoo(n)
kitanaa shaant hai samay
kamare kaa taapamaan aisaa
jo shareer ko suhaavanaa lag rahaa hai
n adhik garm n ThanDaa
n pankhe kee zaroorat
n kuchh oḌhane kee
yah madhy-raatri kaa samay
meraa kitanaa apanaa hai
aise samay men
jo log dinabhar nazadeek rahate hain
ve thoḌe door chale jaate hain
aur ve door vaale
n jaane kahaa(n)-kahaa(n) se chalakar
nazadeek chale aate hain.
unamen se kaiyon ko patr likh Daale hain
dooravaalon ko dil ke क़reeb bulaakar
seene se lagaa liyaa hai
man kee baat kahee hai
sunee hai; is samay
pratipal dimaag ko ghere rahane vaale
kabhee n khatm hone vaale
hazaar hazaar chhoTe-chhoTe
aur baḌe-baḌe kaam
yaad naheen aa rahe hain
baḌee nishchint baiThee hoo(n) main
baḌe aaraam men hoo(n)
yah fikr naheen
ki baal bigaḌe hain yaa
saaḌee men sal bharee hai
ki haathon kee chooḌiyaa(n)
saaḌee ke rang kee hain yaa naheen
ki naukaron ne sab kaam
poore kiye yaa naheen
bachchon ne khaanaa khaayaa ki naheen
aur yah bhee chintaa naheen
ki patidev akele baiThe hain
unake paas jaakar baiThanaa chaahie
abhee to sab nidraa-magn hain
aur main bhee to magn hoo(n).
--- aanandamagn ---
jis aanand ko
main dinabhar Dhoo(n)Dhatee rahee hoo(n)
ghar men, aur baahar
putr-putree men, sage-sanbandhiyon men
phal-phoolon men, baaग़-bageechon men
kaam-kaaj men, baazaar-haaT men
heere-motiyon men, saaj-saamaanon men
pothee-pustakon men, divaa-svapnon men
vah aanand to yah rahaa
is samay, is kShaN to vah
binaa Dhoo(n)Dhe hee
binaa maa(n)ge hee
aap se aap
anaayaas hee praapt ho gayaa hai.
is samay, is ekaant men
main anubhav kar rahee hoo(n)
ki main keval 'apane' paas hoo(n)
main keval 'main' hoo(n).

Topic: