Kahin Kuchh Bhee Uthlaa Na Rah Jaae - Jyoti Chawla. काव्यालय| Kaavyaalaya: House of Hindi Poetry

Kahin Kuchh Bhee Uthlaa Na Rah Jaae

in dinon main Doob-utaraa rahee hoo(n)
apane hee bheetar ke paanee men
aise jaise ek pyaalaa ho meree deh aur
chaay pattee ke saishe-saa meraa vyaktitv
Doob aur utaraa rahaa hai apane hee bheetar kaheen

n jaane kyoo(n) jitanee baar ubaratee hoo(n) khud se
phir-phir Doob jaanaa chaahatee hoo(n) khud men hee
ki sadiyaa(n) gavaah hain is saty kee
jo jitanaa Doobaa khud men
utanaa hee ubaraa hai auron ke lie

meraa mujhamen hee Doob jaanaa udaas karataa hai mujhe
aur main dha(n)satee hee chalee jaatee hoo(n) aise
jaise koee bhaaree patthar ba(n)dhaa ho paa(n)von men jo
kheenchataa jaataa hai mujhe bheetar aur bheetar
ubarane ke lie haath-pair maaratee hai meree jijeeviShaa
lekin kuchh hai jo liye jaa rahaa hai mujhe atal gaharaaiyon men

udaasiyon ke samandar lapeTe main paa lenaa chaahatee hoo(n) khud ko
bheegatee rahatee hoo(n) kisee aakh़iree kaN tak
aur aur udaas hotee hoo(n)
samandar ke gahare tal se phudakakar kuchh boo(n)den
Thahar jaatee hain meree aa(n)khon kee koron par
aur main aa(n)khen meench lauTaa detee hoo(n) unhen
apane hee bheetar ke samandar ko

abhee aur Doobanaa hai aur jaanaa hai us tal tak
kahate hain ki jahaa(n) ke baad
haar maan letaa hai gaharaa neelaa bhayaavah samandar bhee
mujhe apane bheetar kee gaharaaiyon se lauTate rahanaa hai baar-baar
taaki mujhamen kaheen kuchh bhee uthalaa n rah jaae.

- Jyoti Chawla

उथला : छिछला, सतही | उतराना : तैरना

Donate
A peaceful house of the beauty and solace of Hindi poetry, free from the noise of advertisements... to keep Kaavyaalaya like this, please donate.

₹ 500

₹ 250

Another Amount

This Month :
'Yuddh Kee Vibheeshikaa'
Gajendra Singh

yuddh agar anivaary hai socho samaraangaN kaa kyaa hogaa?
aise hee chalataa rahaa samar to naee phasal kaa kyaa hogaa?

har or dhue(n) ke baadal hain, har or aag ye phailee hai.
bachapan kee aa(n)khen bhayaakraant, khaNDahar ghar, dharatee mailee hai.
chhaayaa nabh men kaalaa patajhaḌ, kho gayaa kahaa(n) neelaa manjar?
jharanon kaa gaanaa thaa kal tak, par aaj maut kee railee hai.

kilakaaree bharate ..

Read and listen here...

This Month :
'Nav Oorjaa Raag'
Bhawna Saxena

naa ab talavaaren, naa Dhaal kee baat hai,
yuddh smaarT hai, takaneek kee saugaat hai.
Dron gagan men, signal j़meen par,
saaibar kamaanD hai ab sabase oopar.

suno javaanon! ye DijiTal raN hai,
mastiShk aur masheen kaa yah sangam hai.
koD hathiyaar hai aur DeTaa ... ..

Read and listen here...

This Month :
'Darwaaze Mein Bachaa Man'
Gajendra Singh

bheegaa baarish men daravaajaa chaukhaT se kuchh jhool gayaa hai.
kabhee peḌ thaa, ye daravaajaa saty ye shaayad bhool gayaa hai.

naye-naye pad chinh naapataa khaḌaa huaa hai sahamaa-sahamaa.
kabhee banaa thaa peḌ suhaanaa dhoop-chhaa(n)v paa lamahaa-lamahaa.
chaukhaT men ab jaḌaa huaa hai ek jagah par khaḌaa huaa hai,
kabhee Thikaanaa thaa vihagon kaa aaj ...

..

Read and listen here...