Sapne
kuchh sapanon ko jo pankh die,
vo khule aasamaan men uḌane lage,
baadalon kee chhaanv mile,
to kabhee taaron kee mahaphil sajee.
naram-naram havaa ke paalanon men palane lage,
kore-kore ye sapane rangon se khelane lage,
sunaharee dhoop kee dhaagon se ek nayaa jahaa(n) bunate hue,
bikhare-bikhare yah sapane apane-aap men hee simaTane lage.
lambee-lambee raahon par nanhen-nanhen kuchh kadam,
maasoom yah sapane manzil kee talaash men chal paḌe.
deepak kee lau men sooraj kee roshanee naheen milee,
to thakakar yah sapane usee lau men jalane lage.
vakt aage nikal gayaa, sapane peechhe chhooT gae,
kuchh Thahar gae, kuchh TooT gae, kuchh khud par hee hansane lage,
zindagee ke daanv men, khud zindagee ko haar ke,
ab in adhoore sapano ke saude hone lage.
chalate-chalate kho gaye, apanee hee dhaḌakan se door ho gae,
peechhe muḌe to dikhaa kahaanee banake bikataa apanaa hee chaharaa,
phir bhee rukaa naheen saanson aur dhaḌakanon kaa yah sust kaaravaan
kyoonki TimaTimaa rahaa thaa abhee bhee ek sapanaa sitaaraa ban ke.
- Aparna Bhatt
Aparna Bhatt
Email: [email protected]
Aparna Bhatt
Email: [email protected]

***
This Month
'Geet Koyee Kasamasaataa'
Anita Nihalani


neel nabh ke paar koee
mand svar men gunagunaataa,
rooh kee gaharaaiyon men
geet koee kasamasaataa!

nirjharon saa kab bahegaa
sang Khushaboo ke uḌegaa,
jangalon kaa maun neerav
baarishon kee dhun bharegaa!

..

Read and listen here...
This Month
'Suprabhaat'
Prabhakar Shukla


nayan kaa nayan se, naman ho rahaa hai
lo uShaa kaa aagaman ho rahaa hai
parat par parat, chaandanee kaT rahee hai
tabhee to nishaa kaa, gaman ho rahaa hai
kShitij par abhee bhee hain, alasaaye sapane
palak khol kar bhee, shayan ho rahaa hai
jharokhon se praachee kee pahalee kiraN kaa
lahar se pratham aachaman ho rahaa hai
hain nahalaa raheen, har kalee ko tuShaaren
lagan poorv kitanaa jatan ho rahaa hai
vahee shaakh par pakShiyon kaa hai kalarav
prabhaateesaa lekin, sahan ho rahaa hai
baḌhee jaa rahee jis tarah se aruNimaa
hai lagataa kaheen par havan ho rahaa hai
madhur mukt aabhaa, sugandhit pavan hai
naye din kaa kaisaa sRjan ho rahaa hai.
..

Read and listen here...
Next post on
Friday 26 July

To receive an email notification
Subscribe
random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
submission | contact us | about us

a  MANASKRITI  website