Oonchai
oo(n)che pahaaḌ par,
peḌ naheen lagate,
paudhe naheen ugate,
n ghaas hee jamatee hai.
          jamatee hai sirph barph,
          jo, kaphan kee tarah saphed aur,
          maut kee tarah ThanDee hotee hai.
          khelatee, khil-khilaatee nadee,
          jisakaa roop dhaaraN kar,
          apane bhaagy par boond-boond rotee hai.
aisee oo(n)chaaee,
jisakaa paras
paanee ko patthar kar de,
aisee oo(n)chaaee
jisakaa daras heen bhaav bhar de,
abhinandan kee adhikaaree hai,
aarohiyon ke liye aamantraN hai,
us par jhanDe gaaḌe jaa sakate hain,
          kintu koee gauraiyaa,
          vahaa(n) neeḌ naheen banaa sakatee,
          naa koee thakaa-maandaa baTohee,
          usakee chhaanv men palabhar palak hee jhapakaa sakataa hai.

sachchaaee yah hai ki
keval oo(n)chaaee hee kaaphi naheen hotee,
sabase alag-thalag,
parivesh se pRthak,
apanon se kaTaa-banTaa,
shoony men akelaa khaḌaa honaa,
pahaaḌ kee mahaanataa naheen,
majabooree hai.
oo(n)chaaee aur gaharaaee men
aakaash-paataal kee dooree hai.
          jo jitanaa oo(n)chaa,
          utanaa ekaakee hotaa hai,
          har bhaar ko svayan Dhotaa hai,
          chehare par muskaanen chipakaa,
          man hee man rotaa hai.

jarooree yah hai ki
oo(n)chaaee ke saath vistaar bhee ho,
jisase manuShy,
ThoonT saa khaḌaa n rahe,
auron se ghule-mile,
kisee ko saath le,
kisee ke sang chale.
          bheeḌ men kho jaanaa,
          yaadon men Doob jaanaa,
          svayan ko bhool jaanaa,
          astitv ko arth,
          jeevan ko sugandh detaa hai.
dharatee ko baunon kee naheen,
oo(n)che kad ke insaanon kee jaroorat hai.
itane oo(n)che ki aasamaan chhoo len,
naye nakShatron men pratibhaa kee beej bo len,
          kintu itane oo(n)che bhee naheen,
          ki paa(n)v tale doob hee n jame,
          koee kaanTaa n chubhe,
          koee kali n khile.

n vasant ho, n patajhaḌ,
hon sirph oo(n)chaaee kaa andhaḌ,
maatr akelaapan kaa sannaaTaa.

          mere prabhu!
          mujhe itanee oo(n)chaaee kabhee mat denaa,
          gairon ko gale n lagaa sakoo(n),
          itanee rukhaaee kabhee mat denaa.
- Atal Bihari Vajpayee
Recited by: Ruchi Varshneya
Ref: Meri Ikyavan Kavitayen - Atal Bihari Vajpayee
Pub: Kitaab Ghar

Contributed by: Amit Mathur

***
This Month
'Aaraam Se Bhaai Zindagee'
Bhawaniprasad Mishra


aaraam se bhaaee jindagee
jaraa aaraam se

tejee tumhaare pyaar kee bardaasht naheen hotee ab
itanaa kasakar kiyaa gayaa aaleengan
jaraa zyaadaa hai jarjar is shareer ko

..

Read and listen here...
This Month
'Chikane Lambe Kesh'
Bhawaniprasad Mishra


chikane lambe kesh
kaalee chamakeelee aa(n)khen
khilate hue phool ke jaisaa rang shareer kaa
phoolon hee jaisee sugandh shareer kee
samayon ke antaraal cheeratee hooee
adheerataa ichchhaa kee
..

Read and listen here...
This Month
'jabaḌe jeebh aur daa(n)t'
Bhawaniprasad Mishra


jabaḌe jeebh aur daa(n)t dil chhaatee aur aa(n)t
aur haath paa(n)v aur a(n)guliyaa(n) aur naak
aur aa(n)kh aur aa(n)kh kee putaliyaa(n)
tumhaaraa sab-kuchh jaa(n)chakar dekh liyaa gayaa hai
aur tum ja(n)ch naheen rahe ho
logon ko lagataa hai
jeevan jitanaa
nachaanaa chaahataa hai tumhen
tum utane nach naheen rahe ho

..

Read and listen here...
This Month
'Kuchh Naheen Hilaa Us din'
Bhawaniprasad Mishra


kuchh naheen hilaa us din
n pal n prahar n din n raat

sab nikShchal khaḌe rahe
taakate hooe aspataal ke parade
aur daravaaje aur khiḌakeeyaa(n)
aur aatee-jaatee laḌakiyaa(n)
jinhe main sisTar naheen kahanaa chaahataa thaa
..

Read and listen here...
Next post on
Friday 7 June

To receive an email notification
Subscribe
random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
submission | contact us | about us

a  MANASKRITI  website