Kaise Ro Dun

naaree to neeron se dho letee hai apane sukh dukh ko,
motee kee boo(n)don se sajjit kar letee apane mukh ko.
baahar se vah komal hokar andar dRDh ho jaatee hai,
aisaa karane par naaree kee chhavi naheen kho jaatee hai.

lekin nar kee baat alag hai, vah to sab sah jaataa hai,
kintu kabhee jo royaa to phir vah naaree kahalaataa hai.
puruSh hoo(n) main, balavaan chhavi ko yoo(n) hee main kaise kho doo(n),
pauruSh ke aaDambar ko jhuThalaa kar main kaise ro doo(n).

mere apanon ko bhee kismat ne bevakt hee chheenaa hai,
logon kee baaten sunakar chhalanee meraa bhee seenaa hai.
baar baar viphalataa paakar main bhee aahat hotaa hoo(n),
aashaaon par paanee phirataa hai to man men rotaa hoo(n).

duniyaa ke aage nar ko dukh kahane kaa adhikaar naheen,
patthar-dil to sveekRt hai, par bhaavuk nar sveekaar naheen.
aa(n)soo kaa aabhuShaN jag ko naaree par hee bhaayaa hai,
meree bhaavukataa ko aaDambar kahakar Thukaraayaa hai.

aise haalaaton men pauruSh kaa yah svaang hee bachataa hai,
sach koee n maane to yah jhooTh nae nit rachataa hai.
tum hee mujhe bataao bhalaa puruShaarth yah main kaise kho doo(n),
pauruSh ke aaDambar ko jhuThalaa kar main kaise ro doo(n).

Email: [email protected]