He Panthi Path Kee Chintaa Kyaa?
he panthee path kee chintaa kyaa ?

teree chaah hai saagaramath bhoodhar,
uddeshy amar par path dushkar
             kapaal kaalik too dhaaraN kar
             baḌhataa chal phir prashasti path par
jo dhyey nirantar ho sammukh
phir aghan anil kaa koi ho rukh
             kar too saahas, mat Dar nirjhar
             hai shakt samarth too baḌhataa chal
jo raah shilaa avaruddh kare
too rakt bahaa aur raah banaa
             path ko shoNit se ranjit kar
             har kanTak ko too puShp banaa
nashvar kaayaa kee chintaa kyaa?
he panthee path kee chintaa kyaa ?

hai mRtyu saty maanaa paati
par janm kadaachit mahaasaty
             tujhe nipaT akele chalanaa hai
             he nar mat Dar too bhed lakShy
is path par raahee chalane men
saathee kee aashaa kyon nirbal
             bhar dambh ki too hai ajar amar
             teraa dhyey tujhe degaa sambal
path bhramit n ho lambaa path hai
har moD khaḌaa daavaanal hai
             charitaarth too kar tujhame bal hai
             hai deergh vahee jo haasil hai
bandhak mat ban moh paashon kaa
ye moh balaat roken pratipal
             hai dvandv samar men magar naa ruk
             jo netr tere ho jaayen sajal
bahate ashru kee chintaa kyaa
he panthee path kee chintaa kyaa ?
- Amit Kapoor
Amit Kapoor
Email : [email protected]
Amit Kapoor
Email : [email protected]

***
This Month
'Geet Koyee Kasamasaataa'
Anita Nihalani


neel nabh ke paar koee
mand svar men gunagunaataa,
rooh kee gaharaaiyon men
geet koee kasamasaataa!

nirjharon saa kab bahegaa
sang Khushaboo ke uḌegaa,
jangalon kaa maun neerav
baarishon kee dhun bharegaa!

..

Read and listen here...
This Month
'Suprabhaat'
Prabhakar Shukla


nayan kaa nayan se, naman ho rahaa hai
lo uShaa kaa aagaman ho rahaa hai
parat par parat, chaandanee kaT rahee hai
tabhee to nishaa kaa, gaman ho rahaa hai
kShitij par abhee bhee hain, alasaaye sapane
palak khol kar bhee, shayan ho rahaa hai
jharokhon se praachee kee pahalee kiraN kaa
lahar se pratham aachaman ho rahaa hai
hain nahalaa raheen, har kalee ko tuShaaren
lagan poorv kitanaa jatan ho rahaa hai
vahee shaakh par pakShiyon kaa hai kalarav
prabhaateesaa lekin, sahan ho rahaa hai
baḌhee jaa rahee jis tarah se aruNimaa
hai lagataa kaheen par havan ho rahaa hai
madhur mukt aabhaa, sugandhit pavan hai
naye din kaa kaisaa sRjan ho rahaa hai.
..

Read and listen here...
Next post on
Friday 26 July

To receive an email notification
Subscribe
random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
submission | contact us | about us

a  MANASKRITI  website