dhoop hee kyon chhaanv bhee do
panth hee kyon paanv bhee do
saphar lambee ho gaee ab,
Thaharane ko gaanv bhee do .
pyaas hee kyon neer bhee do
dhaar hee kyon teer bhee do
jee rahee puruShaarth kab se,
ab mujhe takadeer bhee do .
peer hee kyon preet bhee do
haar hee kyon jeet bhee do
shuny men khoe bahut ab,
chetanaa ko geet bhee do .
granth hee kyon gyaan bhee do
gyaan hee kyon dhyaan bhee do
tum hamaaree asmitaa ko,
ab nijee pahachaan bhee do .
-
Sadhvipramukha Kanakprabha
