Abhee Hone Do Samay Ko - Kumar Ravindra. काव्यालय| Kaavyaalaya: House of Hindi Poetry

Abhee Hone Do Samay Ko

abhee hone do
samay ko
geet phir kuchh aur

vakt ke booḌhe kailenDar ko
haTaa do
nayaa Taa(n)gon
varSh kee pahalee subah se
baa(n)suree kee dhunen maa(n)go

suno nishchit
aamravan men
aaegaa phir baur

barph kee ghaTanaae(n)
thoḌee der kee hain
dhoop hongee
khushabuon ke Taapuon par
Tikegee phir paree-Dongee

saa(n)s kee
yaatraaon ko do
veNuvan kee Thaur

abhee baakee
hai alaukikataa
hamaare shankh men bhee
aur baakee hain uḌaanen
suno, booḌhe pankh men bhee

in thakee
pichhalee layon par bhee
karo tum gaur

- Kumar Ravindra

Donate
A peaceful house of the beauty and solace of Hindi poetry, free from the noise of advertisements... to keep Kaavyaalaya like this, please donate.

₹ 500

₹ 250

Another Amount

Kumar Ravindra
's other poems on Kaavyaalaya

Abhee Hone Do Samay Ko

Kaash Hum Pagdandiyaan Hote

Tair Rahaa Itihaas Nadee Mein

Bakson Mein Yaadein

mitra-sahejo

Sun Sulakshanaa

Har Makaan Boodhaa Hotaa

This Month :
'Ant'
Divya Omkari 'Garima'

jhar-jhar bahate netron se,
kaun saa saty bahaa hogaa?
vo saty banaa aakhir paanee,
jo kaheen naheen kahaa hogaa.

jhalakatee see bechainee ko,
kitanaa dhikkaar milaa hogaa?
baad men soche hai insaan,
pahale andhaa-baharaa hogaa.

talaash kare yaa aas kare,
kis par vishvaas zaraa hogaa?
kitanaa gaharaa hogaa vo dukh,
mRtyu se jo Dhakaa hogaa.

hokar nam phir band ho gaeen,
aa(n)khon ne kyaa sahaa hogaa?
ho jisakaa kShaN-kShaN mRtyu,
ye jeevan deergh lagaa hogaa.

jo maun huaa sah-sahakar maun,
us maun kaa bhed kyaa hogaa?
n gyaat kisee ko bhed vo ab,
vo bhed jo saath gayaa hogaa.

kuchh sheSh naheen isake pashchaat,
Read and listen here...

random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
contact us | about us
Donate